news4gujarat

AMC ના કરર્મચારીઓની હડતાલ પર ઉતરવાની ચીમકી ઉચ્ચારી. આગામી 8 તારીખે પડતર માંગણીઓનો અમલ ન થતા AMCના 18000 કર્મચારીઓ હડતાલ પર ઉતરશે.

ઉત્તરપ્રદેશ હિંસાના કારણે ફરી એક વખત ચર્ચામાં છે. થોડા મહિનાઓ પહેલા મુઝફ્ફરનગરમાં થયેલી હિંસાએ કેટલાય નિર્દોષોને ડંખ આપ્યો છે. આ રમખાણનો ડંખ હજુએ નિર્દોષોના માનસ પર રુંઝાયો નથી, ત્યાં ફરી એક હિંસા અને ફરી એજ ડંખના ડાકલાં વાગી રહ્યા છે.

ઈરાકમાં આતંકવાદી સંગઠન ISISના સકંજામાંથી મુક્ત થયેલી 46 ભારતીય નર્સો એર ઈન્ડિયાના વિશેષ વિમાન મારફતે સ્વદેશ પરત ફરી.બાદમાં કેરળની રહેવાસી એવી આ તમામ નર્સોને અન્ય એક વિમાન દ્વારા કોચ્ચિ પહોંચાડવામાં આવી.હવે સરકારે ઈરાકમાં બંધક બનાવાયેલા અન્ય 39 ભારતીયોને પણ મુક્ત કરાવવાનો આશાવાદ વ્યક્ત કર્યો છે.

ઈરાકમાં સીયા સુન્નીના ભીષણ યુદ્ધમાં ફસાયેલા ગુજરાતના 16 યુવાનો ભારત પરત ફર્યા છે.આ તમામ યુવાનો રોજગારી માટે ઈરાક ગયા હતા.અને ત્યા યુદ્ધમાં ફસાઈ ગયા હતા. જો કે રાજ્ય સરકાર અને કેદ્ર સરકારના પ્રયત્નથી આજે 16 યુવકો માદરે વતન પરત ફર્યા છે.

રાજકારણ શક્યતાઓ નો ખેલ છે. લોકસભા ચૂંટણીમાં ભાજપે લાલુ અને નીતિશને એવી હાર આપી છે કે બંન્નેની વર્ષો જૂની દુશ્મની મૈત્રીમાં ફેરવાઈ રહી છે. રાજ્યમાં જનતાદળ યુનાઈટેડ સરકાર બચાવવા માટે લાલુએ કરુણા વરસાવી અને હવે બિહારમાં વિધાનસભાની આગામી ચૂંટણીઓ પણ નીતીશની સાથે લડવાના લાલુએ સંકેત આપ્યા છે. લાલુંએ કહ્યું કે મંડલ કમીશનની ફોર્મ્યુલા હવે ફરી જીવતી થશે

ચાલુ વર્ષ વરસાદ ખેંચાતા ખેડુતો ચિંતામાં મુકાયા છે.પશુના ઘાસચારા માટે વવાતુ જુવારના ભાવમા કિવન્ટલે 1200 રૂપિયનો ઉછાળો જોવા મળ્યો છે.અને હજુ વરસાદ ખેચાશે, તો આ ભાવ મા હજુ વઘારો નોઘાશે તેવુ વેપારીનું માનવું છે. જેના કારણે ખેડુતોના ચહેરા પર ચિંતા જોવા મળી રહીં છે.

ગુજરાત જાહેર સેવા આયોગ દ્વારા આગામી ઓક્ટોબર મહિનામાં સરકારી અધિકારીઓની ભરતી માટે પરીક્ષાની જાહેરાત કરવામાં આવી છે. આ પરીક્ષા પધ્ધતિ અંગ્રેજી માધ્યમનાં પરીક્ષાર્થીઓ માટે લાભદાયી અને ગુજરાતી માધ્યમનાં વિધ્યાર્થીઓ માટે અન્યાયકર્તા હોવાનો આક્ષેપ સિન્ડિકેટના પૂર્વ સભ્ય અને પ્રદેશ કોંગ્રેસના પ્રવક્તા મનીષ દોશીએ આક્ષેપ કર્યો છે.

અમદાવાદમાં ધૂમ સ્ટાઇલે બાઇક પર લૂંટ ચલાવતી ગ્વાલા ગેંગના બે આરોપીની ક્રાઈમબ્રાન્ચે ધરપકડ કરી છે. અને બેગ લીફટીંગના 16 ગુનાનો ભેદ ઉકેલી કાઢયો છે. ક્રાઈમબ્રાન્ચે આરોપીઓ પાસેથી બે પલ્સર બાઈક, 54 હજાર રૂપિયા અને નકલી ડ્રાયવીંગ લાયસન્સ કબજે કર્યા છે.

ઉત્તર ગુજરાતના બનાસકાંઠામાં આવેલું બાલારામનું શિવ મંદિર વિવાદમાં સપડાયું છે. મંદિરમાં નાણાંકીય ગેરરીતિ આચરવામાં આવી હોવાનો બાલારામ મંદિરના ટ્રસ્ટીઓનો આક્ષેપ છે. મંદિરના ટ્રસ્ટીઓ અને પુજારી વચ્ચેના ગજગ્રાહને કારણે આ મામલો ગંભીર બન્યો છે.

વાપી, દમણ અને સેલવાસમાં આવેલા હજારો એકમોમાં લાખો કામદારો રોજગારી મેળવવા સ્થાયી થયા છે. દેશભરમાંથી સ્થાયી થયેલા કામદારોને માદરે વતન જવા માટે રેલવે પર આધાર રાખવો પડે છે. વાપી સ્ટેશનને આજદિન સુધી A ગ્રેડની સુવિધા મળી નથી. તેમજ ઉત્તર ભારત તરફ જવા માટે રેલવેની ફ્રિકવન્સી વધારવાની વર્ષો જૂની માગ આજદિન સુધી સંતોષાઈ નથી. ત્યારે આ વખતના રેલવે બજેટમાં અહીંના કામદારો રેલવે મંત્રાલય તરફ મીટ માંડીને બેઠા છે. શું છે આ કામદારોની માગણીઓ.