news4gujarat

[youtube=http://www.youtube.com/watch?v=2OkmfHx1rvA

ભાજપ સરકારમાં ગુડ ગવર્નન્સના ફળ ખુબ ચાખવા મળી રહ્યાં છે. શિક્ષણ વિભાગનો ઉધ્ધાર તો માત્ર ભાજપના શાસનમાં જ થયો છે. પરંતુ વાસ્તવિકતા કંઈક જુદી છે. શૈક્ષણિક રીતે પછાત ગણાતા બનાસકાંઠા જિલ્લાનો શિક્ષણ વિભાગ હાલ ઈન્ચાર્જો ના હવાલે ચાલી રહ્યો છે. શિક્ષણની જીલ્લાની ત્રણેય કચેરીઓના વડા ઈન્ચાર્જ હોઈ શિક્ષણની કામગીરી ઠપ્પ થઈ ગઈ છે.

ભાજપનું અધ્યક્ષ પદ એ કોઈ કાંટાળા તાજથી જરા પણ કમ નથી. આ પદ પર અમિત શાહને રોજે રોજ નવા નવા પડકારોનો સામનો કરવો પડશે. અનેક દિગ્ગજ નેતાઓ વચ્ચે પક્ષનું અધ્યક્ષ પદ સંભાળવું અને સાથે સાથે પક્ષને સફળતા પણ અપાવવી તે બન્ને કાર્ય અમિત શાહે બખૂબી કરવા પડશે.

ગીર સોમનાથ જીલ્લામાં કરોડોની કુદરતી સંપતી ખુલ્લેઆમ લુંટાઈ રહી છે. ખાણ ખનીજ વિભાગ સામે બેદરકારીના આક્ષેપ પર્યાવરણ બચાવ સમીતીએ કર્યો છે. ત્યારે ગત 26 જૂનના રોજ ખનીજ વિભાગે લાટી કદવાર ગામે કરેલ ખનીજચોરીની કાર્યવાહી સામે સણસણતા આક્ષેપો સાથે તટષ્ઠ તપાસની માંગ કરી છે.

ઔદ્યોગિક ક્ષેત્રે હરણફાળ ભરી રહેલા વાપીએ અનેક શિખરો સર કર્યા છે. જોકે પ્રગતિની આ દોડમાં કેટલાક મૂળભૂત મૂલ્યો નીચા ગયા છે. એક તરફ વાપી ઔદ્યોગિક વિકાસ નંબર વન પર પહોંચી ગયો છે. તો બીજી તરફ વાપી ક્રાઇમમાં પણ અગ્રેસર બનતુ ગયુ છે. ખૂન, બળાત્કાર, ચીલ ઝડપ, ચોરી જેવા ગુનાઓ વર્ષે દહાડે વધી રહ્યા છે.

નર્મદા યોજના સરકાર માટે ક્રેડિટની યોજના છે, વિપક્ષ માટે કડવા વ્હેણ માટે કાયમી મુદ્દો છે. પણ, હકીકત એ છે કે નર્મદા બંધની ઉંચાઈ ભલે વધી જાય પણ કેનાલોના ક્યારેય ન ખુટે તેટલા કામો બાકી છે. હવે સરકારે ગૃહમાં આ વાત સ્વીકારી છે.