સૌરાષ્ટ્રમાં 8 હજાર બેન્કકર્મીઓ આજથી હડતાળ પર,બેન્કો બંધ


– પગાર વધારા સહિત વિવિધ માંગણી અન્વયે

– ત્રણ દિવસમાં અબજો રૂ।.ના આર્થિક વ્યવહારો અટકી જશે, રાજ્યના 20 હજાર કર્મીઓ જોડાશે

આવતીકાલ તા.૩૧ અને તા.૧ ફેબુ્રઆરીએ દેશના ૧૦ લાખ અને ગુજરાતના ૨૦ હજાર તથા સૌરાષ્ટ્રના ૮ હજાર બેન્ક કર્મચારીઓ હડતાળ પર જશે. બેન્ક કર્મચારીઓએ હડતાળ માટે એવા બે દિવસ નક્કી કર્યા છે કે પછી રવિવારની રજા આવતી હોય સળંગ ત્રણ દિવસ બેન્કો બંધ રહેશે.

સોમવાર સુધી બેન્કો બંધ રહેવાથી અબજો રૂ।.ના આર્થિક વ્યવહારો અટકી જશે અને લોકોને હાલાકી પડશે જે અંગે ગુજરાત બેન્ક વર્કર્સ યુનિયને એવી વિનંતિ કરી છે કે તેઓ હડતાળ ટાળવા લાંબા સમયથી વાટાઘાટો કરતા હતા પણ ત્રીસ મહિનાની ધીરજ રાખવા છતાં બેન્ક સંચાલકોએ માંગણી નહીં સ્વીકારતા હડતાળનું શસ્ત્ર ઉગામ્યું છે.

ઉલ્લેખનીય છે કે બેન્ક કર્મચારીઓ બેન્કના એન.પી.એ.મુદ્દે પણ લડી રહ્યા છે અને જો તેની વસુલી સરકાર કરાવે તો બેન્કમાં ૧૦ લાખ કરોડ રૂ।.આવે અને વ્યાપારીઓ,લોકોને લોનમાં રાહત પણ આપી શકાય તેમ છે.

સૌરાષ્ટ્રમાં 8 હજાર બેન્કકર્મીઓ આજથી હડતાળ પર,બેન્કો બંધ was originally published on News4gujarati

રૂમનો લોક કરીને ધોરણ 10નો વિદ્યાર્થી વાંચન કરતા સુઈ જતા પરિવારજનો ચિંતાતુર બન્યા


અડાજણ રોડ પર ગઈકાલે રાત્રે શાળામાં ચાલી પરીક્ષાનું વાંચન કરતા કરતા વિદ્યાર્થી દરવાજો લોક કરીને સૂઈ ગયો હતો. જોકે દરવાજો નહીં ખોલતા પરિવારજનો ચિંતાતુર બન્યા હતા જેથી ત્યાં ફાયરબ્રિગેડ પહોંચીને દરવાજો ખોલ્યો હતો.

ફાયરબ્રિગેડ પાસેથી મળેલી વિગત મુજબ અડાજણ રોડ પર ભૂમિ કોમ્પ્લેક્સ પાસે રહેતો 15 વર્ષ મુકુન કાપડિયા ધોરણ 10માં અભ્યાસ કરે છે તેની હાલમાં શાળામાં પ્રિલિમિનરી પરીક્ષા ચાલી રહી હોવાથી ઘરમાં રૂમનો દરવાજો લોક કરીને ગઈકાલે રાત્રે વાંચન કરતો હતો દરમિયાન તેને ઊંઘ આવી જાય તો સૂઈ ગયો હતો. જો કે તેના પરિવારના સભ્યોએ દરવાજો ખખડાવતા અંદરથી તેનો જવાબ આપ્યો ન હતો જેથી તેના પરિવારજનો ચિંતાતુર થઇ ગયા હતા અને ફાયર બ્રિગેડને જાણ કરતા ઘટનાસ્થળે ધસી ગયા હતા.

ફાયર જવાનોએ નીચે સીડી મૂકીને તેમના પહેલા માળની ગેલેરીમાં ગયા હતા ત્યાંથી ફયરજવાનો રૂમમાં જઈ સુતેલા મુકુનને ઉઠાડ્યો હતો અને તેના રૂમનો દરવાજો ખોલી તેને બીજા રૂમમાં સહી સલામત લઈ ગયા હતા અને તેના પરિવારના સભ્યોએ હાશકારો અનુભવ્યો હતો.

રૂમનો લોક કરીને ધોરણ 10નો વિદ્યાર્થી વાંચન કરતા સુઈ જતા પરિવારજનો ચિંતાતુર બન્યા was originally published on News4gujarati

ખાદ્યતેલોમાં બજેટ પૂર્વે ટેરીફ વેલ્યુમાં ઘટાડો કરશે એવી શક્યતા


– સિંગતેલમાં સૌરાષ્ટ્ર પાછળ ભાવ ઉંચકાયા: આયાતી ખાદ્યતેલોમાં ફરી પીછેહટ: દિવેલ તથા એરંડા હાજર અને વાયદા બજારમાં ઘટાડાનો પવન

– વિશ્વ બજારમાં ખાદ્યતેલોમાં ઉછાળા ઉભરા જેવા નિવડયા

મુંબઈ તેલ-બિયાં બજારમાં આજે દેશી ખાદ્યતેલોના ભાવ વધી આવ્યા હતા જ્યારે  આયાતી ખાદ્યતેલોના ભાવમાં ઉછાળા ઉભરા જેવા નિવડતાં ભાવ  ફરી નીચા બોલાતા  થયા હતા.  વિશ્વ બજારના સમાચાર ઉછાળે વેચવાલી બતાવતા હતા.  ઘરઆંગણે નવી માગ પાંખી હતી. બજારના ખેલાડીઓની નજર  હવે સરકાર દ્વારા જાહેર થનારી  આયાતી ખાદ્યતેલોની  આયાત  જકાત ગણવા બેન્ચમાર્ક તરીકે  વપરાતી ટેરીફ વેલ્યુ પર  રહી હતી તથા ત્યાર પચી  શનિવારે રજૂ થનારા  બજેટ પર રહી હતી.

બજારના જાણકારોના જણાવ્યા  મુજબ વિશ્વ બજારમાં  તાજેતરમાં  વિવિધ ખાદ્યતેલોના  ભાવ ઉંચા મથાળેથી  ઝડપી ઘટયા હોવાથી હવે ઘરઆંગણે જાહેર થનારી ટેરીફ વેલ્યુમાં ઘટાડો કરવામાં  આવશે એવી શક્યતા બતાવાઈ રહી હતી. 

મુંબઈ બજારમાં  આજે ૧૦ કિલોનાભાવ પામતેલના હવાલા રિસેલના રૂ.૮૪૪ વાળા  રૂ.૮૪૦ જ્યારે જેએનપીટીના  રૂ.૮૩૮ વાળા રૂ.૮૩૫ રહ્યા હતા. માંડ ૪૦થી ૫૦ ટનના વેપારો હતા.   દરમિયાન રિફાઈનરીઓના ડાયરેકટ ડિલીવરીના  ભાવ રૂ.૮૬૫થી ૮૯૫ જેવા ઉંચા બોલાઈ  રહ્યા હતા.   ક્રૂડ પામ ઓઈલ સીપીઓ કંડલાના ભાવ રૂ.૭૮૦ વાળા રૂ.૭૭૩ રહ્યા હતા. 

જયારે વાયદા બજારમાં આજે સીપીઓના ભાવ નીચામાં  રૂ.૭૪૫.૩૦ તથા ઉંચામાં રૂ.૭૫૯.૫૦ રહ્યા પછી સાંજે ભાવ રૂ.૭૫૨ રહ્યા હતા જ્યારે  સોયાતેલ  વાયદાના ભાવ નીચામાં રૂ.૮૪૮.૪૦ તથા ઉંચામાં રૂ.૮૫૯ રહ્યા પછી સાંજે ભાવ રૂ.૮૫૭.૫૦ રહ્યા હતા.  મુંબઈ હાજર બજારમાં  સોયાતેલના ભાવ ડિગમના રૂ.૮૪૫થી ૮૪૮ વાળા રૂ.૮૪૦ રહ્યા  હતા. દરનિયાન, સનફલાવરના ભાવ આજે  રૂ.૮૫૦ તથા રિફા.ના રૂ.૮૮૦ રહ્યા હતા.   જ્યારે  સિંગતેલના ભાવ વધી રૂ.૧૧૪૦તી ૧૧૫૦  રહ્યા હતા.   સૌરાષ્ટ્રના સમાચાર મુજબૂતાઈ બતાવતા હતા.

રાજકોટ બાજુ સિંગતેલના ભાવ વધી રૂ.૧૧૦૦ થી ૧૧૨૫ જ્યારે ૧૫ કિલોના ભાવ વધી રૂ.૧૭૭૦થી ૧૮૦૦ રહ્યાના સમાચાર હતા. ત્યાં કોટન વોશ્ડના ભાવ જોકે રૂ.૭૯૭થી ૮૦૦ વાળા આજે રૂ.૭૯૦થી ૭૯૫ બોલાઈ રહ્યા હતા.  જ્યારે મુંબઈ બજારમાં  કપાસિયા તેલના રૂ.૮૫૦થી ૮૫૨  વાળા રૂ.૮૪૮ રહ્યા હતા.   મસ્ટર્ડના  ભાવ રૂ.૯૦૦ તથા કોપરેલના ૧૦ કિલોના ભાવ રૂ.૧૪૦૦ રહ્યા હતા.

દરમિયાન, મુંબઈ બજારમાં આજે દિવેલના ભાવ ૧૦ કિલોના રૂ.બે ઉંચા  બોલાઈ રહ્યા હતા જ્યારે  મુંબઈ એરંડાના હાજર ભાવ રૂ.૪૧૧૫ વાળા ૪૧૨૫ રહ્યા હતા. 

દરમિયાન, મલેશિયાના વડાપ્રધાને એવું નિવેદન કર્યાના નિર્દેશો હતા કે ભારત સરકારે પામતેલની આયાતો પર અંકુશો  મૂકતાં  મલેશિયા ચિંતિત બન્યું છે.  આ પ્રશ્ને  સમાધાન ગોતવા મલેશિયા સરકાર પ્રયત્નો  કરશે એવા સંકેતો તેમણે આપ્યા હતા.  દરમિયાન, ઘરઆંગણે  શનિવારે બજેટ હોવાથી  કોમોડિટીઝ વાયદાના વિવિધ એમસીએક્સ, એનસીડેક્સ સહિતના વિવિધ એક્સચેન્જો  શનિવારે સોદા માટે સવારે ૯થી ૫ દરમિયાન  કુલ્લા રાખવામાં આવનાર છે. એવા નિર્દેશો મળ્યા હતા.

દરમિયાન, એરંડા વાયદા બજારમાં આજે ફેબુ્રઆરીના ભાવ સાંજે  રૂ.૪૬ માઈનસમાં  રહ્યા હતા. મલેશિયા તતા ઈન્ડોનેશિયામાં  પામતેલનું ઉત્પાદન  ઘટતાં વિશ્વ બજારમાં ભાવ આગળ ઉપર ઉંચા જવાની શક્યતા જાણકારો આજે બતાવી રહ્યા હતા. 

ખાદ્યતેલોમાં બજેટ પૂર્વે ટેરીફ વેલ્યુમાં ઘટાડો કરશે એવી શક્યતા was originally published on News4gujarati

અમેરિકન ફેડરલે વ્યાજ દર જાળવી રાખ્યા


– કોરોના વાઈરસ પ્રબળ થવાના કારણે અમેરિકાના અર્થતંત્રનું આઉટલુક અનિશ્ચિતતાના પરિઘમાં

પોલિસી બેઠકના અંતે અમેરિકન ફેડરલ રિઝર્વે મુખ્ય વ્યાજ દર યથાવત રાખવાનો નિર્ણય કર્યો છે. મજબૂત જોબ માર્કટ અને આથક વિકાસ દર સાધારણ રહેવાની ધારણાં વચ્ચે ફેડરલનો આ નિર્ણય આવી પડયો છે. રોજગારમાં વધારો મજબૂત છે અને બેરોજગારીનો દર નોંધપાત્ર નીચો છે એમ બેઠક બાદપત્રકારો સાથેની વાતચીતમાં ફેડરલ રિઝર્વના ચેરમેન જેરોમ પોવેલે જણાવ્યું હતું. પોલિસી નિશ્ચિત કરતી ફેડરલની કમિટિએ વ્યાજ દર ૧.૫૦ ટકાથી ૧.૭૫ ટકાના રેન્જમાં જાળવી રાખ્યો છે. 

દેશની આથક પ્રવૃત્તિમાં વિસ્તરણને ટેકો પૂરો પાડવા હાલનો વ્યાજ દર યોગ્ય હોવાનું તેમણે જણાવાયું હતું. ચીનમાં તાજેતરમાં ફાટી નીકળેલા કોરોનાવાઈરસથી અમેરિકાના અર્થતંત્રનું આઉટલુક અનિશ્ચિતતાના પરિઘમાં જળવાઈ રહ્યું છે.

કોરોનાવાઈરસને કારણે ચીનમાં મંદી વધુ ઘેરી બનવાનું જોખમ ઊભું થયું છે.  બેન્ક ફન્ડીંગ માર્કેટસમાં ટૂંકા ગાળે પૂરતી લિક્વિડિટી જળવાઈ રહે તેની ખાતરી રાખવા ફેડરલે મહિને ૬૦ અબજ ડોલરના અમેરિકન ટ્રેઝરી બિલ્સ ખરીદવાની પોતાની હાલની પ્રેકટિસ પર કોઈ નવી ગાઈડલાઈન્સ બહાર પાડી નથી. 

આ પ્રેકટિસ એપ્રિલ સુધી ચાલુ રહેશે. વ્યાજ દર જાળવી રાખવાનો નિર્ણય કમિટિ દ્વારા સર્વાનુમતે લેવાયો છે. 

અર્થતંત્રને વેગ આપવા ૨૦૧૯માં ફેડરલે ત્રણ વખત વ્યાજ દરમાં ઘટાડો કર્યો હતો. ચીન સાથેની ટ્રેડ વોરને લઈને અમેરિકાના અર્થતંત્ર પર પ્રતિકૂળ અસર પડી હતી. વૈશ્વિક અર્થતંત્ર સ્થિર થઈ રહ્યું છે અને વેપાર નીતિઓમાં રહેલી અનિશ્ચિતતા ઘટી રહી છે એમ પોવેલે જણાવ્યું હતું. 

અમેરિકાનું અર્થતંત્ર ફરી વિકાસના પાટે ચડી રહ્યું છે અને ફુગાવામાં વધારો થવાનું હાલમાં કોઈ જોખમ જણાતું નથી માટે વ્યાજ દર જાળવી રાખવાનો નિર્ણય અપેક્ષા પ્રમાણે જ આવ્યો છે. પોલિસીમાં કોઈપણ ફેરબદલ માટે ઈકોનોમિક આઉટલુકનું રિએસેસમેન્ટ કરવાનું જરૂરી બની રહેશે એમ પણ પોવેલે વધુમાં જણાવ્યું હતું. 

અમેરિકન ફેડરલે વ્યાજ દર જાળવી રાખ્યા was originally published on News4gujarati

સેન્સેક્સ 285 પોઈન્ટ ગબડીને 40914


ચાઈનાનો જીવલેણ કોરોના વાઈરસે ચાઈનામાં ૧૭૦થી વધુ લોકોનો ભોગ લીધા સાથે અનેકને અસરગ્રસ્ત કરતાં અને આ વાઈરસ અન્ય દેશોમાં પણ ફેલાવા લાગીને હવે ભારતમાં પ્રવેશ્યાનું આજે જાહેર થઈ કેરળમાં પ્રથમ પોઝિટીવ કેસ નોંધાતાં ફફડાટની સાથે ફંડો-ખેલંદાઓએ ડેરિવેટીવ્ઝમાં ભારતીય શેર બજારોમાં ડેરિવેટીવ્ઝમાં જાન્યુઆરી વલણના અંતે તેજીની મોટી ઓવરબોટ પોઝિશન સરખી કરી હતી. આ સાથે હવે શનિવારે ૧,ફેબુ્રઆરી ૨૦૨૦ના રજૂ  થનારા કેન્દ્રિય બજેટ આ વખતે સ્વદેશી પર ફોક્સ કરીને રજૂ થવાના અહેવાલો વચ્ચે બજેટ પૂર્વે સાવચેતીમાં ફોરેન ફંડો, ખેલંદાઓએ અનેક શેરોમાં તેજીનો વેપાર હળવો કર્યો હતો. બજેટમાં એક તરફ બજાર અને ઉદ્યોગોની અનેક પ્રોત્સાહનો અને રાહતોની અપેક્ષા સામે કેન્દ્ર સરકાર માટે આવકના ટાંચા સાધનોએ પડકારરૂપ સ્થિતિ હોવાથી પ્રોત્સાહનો આપવા માટે મર્યાદા હોવાના અમુક નિષ્ણાતોના અભિપ્રાય વચ્ચે બજેટમાં જો કોઈ ખાસ રાહતો જાહેર કરવામાં  નહીં આવે અને કોઈ મોટી નેગેટીવ જોગવાઈ જેવી કે  આકરાં વેલ્થ ટેક્ષ જેવી જોગવાઈ કરવામાં  આવશે તો એવી આશંકાએ ફંડો-બજારના અમુક વર્ગે આજે અગમચેતીમાં ઈન્ડેક્સ બેઝડ શેરોની સાથે પોતાના રોકાણ પોર્ટફોલિયોના સ્મોલ, મિડ કેપ શેરોમાં હેવી સેલીંગ કર્યું હતું. ક્રુડ ઓઈલના આંતરરાષ્ટ્રીય ભાવ પણ અમેરિકામાં ઈન્વેન્ટરીમાંજંગી વધારો નોંધાતાં ફરી ઝડપી ઘટી આવીને આજે સાંજે બ્રેન્ટ ક્રુડ બેરલ દીઠ ૧.૨૩ ડોલર તૂટીને ૫૮.૫૮ ડોલર અને નાયમેક્ષ ક્રુડ ૯૯ સેન્ટ ઘટીને ૫૨.૩૪ ડોલર નજીક રહ્યા હતા. રૂપિયા સામે અમેરિકી ડોલર આજે ૨૪ પૈસા વધીને રૂ.૭૧.૪૯ નજીક રહ્યો હતો.  એફએમસીજી, ફાર્મા, આઈટી-સોફટવેર સર્વિસિઝ, ઓટોમોબાઈલ, બેંકિંગ-ફાઈનાન્સ, મેટલ-માઈનીંગ અને ઓઈલ-ગેસ શેરોમાં ઓફલોડિંગે સેન્સેક્સ ૨૮૪.૮૪ પોઈન્ટ તૂટીને ૪૦,૯૧૩.૮૨ અને નિફટી સ્પોટ ૯૩.૭૦ પોઈન્ટ ઘટીને ૧૨,૦૩૫.૮૦ બંધ રહ્યા હતા.

સેન્સેક્સ ગેપ અપ ઓપનીંગમાં ૪૧૩૮૦ મથાળે ખુલીને તૂટતો જઈ ૪૦૮૨૯ સુધી ખાબકી અંતે ૨૮૫ પોઈન્ટ તૂટીને ૪૦૯૧૪

ટ્રેડીંગની શરૂઆત આજે ક્ષણિક ગેપ અપ ઓપનીંગે થઈ હતી. સેન્સેક્સ આગલા બંધ ૪૧,૧૯૮.૬૬ સામે ૪૧,૩૮૦.૧૪ મથાળે ખુલીને આરંભમાં ક્ષણિક મજબૂતી બતાવ્યા બાદ ફંડોની  રિલાયન્સ ઈન્ડસ્ટ્રીઝ, ઓએનજીસી સહિતના ઓઈલ-ગેસ શેરોમાં મોટી વેચવાલી સાથે બેંકિંગ-ફાઈનાન્સ શેરોમાં સ્ટેટ બેંક ઓફ ઈન્ડિયા, ઈન્ડસઈન્ડ બેંક, કોટક મહિન્દ્રા બેંક, બજાજ ફાઈનાન્સ, એચડીએફસી બેંક, એક્સીસ બેંક સહિતમાં વેચવાલી થતાં અને એફએમસીજી શેરોમાં ફરી નેસ્લે ઈન્ડિયા, હિન્દુસ્તાન યુનિલિવર, આઈટીસી સહિતમાં પ્રોફિટ બુકિંગ થતાં તેમ જ સન ફાર્મા, અલ્ટ્રાટેક સિમેન્ટ, ટેક મહિન્દ્રા, ઈન્ફોસીસ, ટીસીએસ સહિતના આઈટી શેરો અને ટાઈટન કંપની, ભારતી એરટેલ સહિતમાં નરમાઈએ ઘટીને નીચામાં ૪૦,૮૨૯.૯૧ સુધી આવી અંતે ૨૮૪.૮૪ પોઈન્ટ ઘટીને ૪૦,૯૧૩.૮૨ બંધ રહ્યો હતો.

નિફટી સ્પોટ ઉપરમાં ૧૨,૧૫૦ સુધી જઈ નીચામાં ૧૨,૦૧૦ સુધી પટકાઈ અંતે ૯૪ પોઈન્ટ ઘટીને ૧૨,૦૩૬

એનએસઈનો નિફટી સ્પોટ આગલા બંધ ૧૨,૧૨૯.૫૦ સામે ૧૨,૧૪૭.૭૫ મથાળે ખુલીને આરંભમાં મજબૂતીમાં ઓટો શેરોમાં આઈશર મોટર્સ, બજાજ ઓટો, મારૂતી સુઝુકીમાં લેવાલીએ અને આઈસીઆઈસીઆઈ બેંક, પાવર ગ્રીડ કોર્પમાં આકર્ષણે ૧૨,૧૫૦.૩૦ સુધી પહોંચ્યો હતો. જે વધ્યામથાળેથી પાછો ફરીને રિલાયન્સ ઈન્ડસ્ટ્રીઝ, ઓએનજીસી, બીપીસીએલ, ગેઈલ ઈન્ડિયા, આઈઓસીમાં ફંડોના ઓફલોડિંગે અને ફાઈનાન્સ-બેંકિંગ શેરોમાં સ્ટેટ બેંક ઓફ ઈન્ડિયા, બજાજ ફિનસર્વ, બજાજ ફાઈનાન્સ, ઈન્ડસઈન્ડ બેંક, એચડીએફસી બેંક, એક્સીસ બેંક સહિતમાં વેચવાલીએ અને એફએમસીજી શેરોમાં નેસ્લે ઈન્ડિયા, આઈટીસી, હિન્દુસ્તાન યુનિલિવર, બ્રિટાનીયા સહિતમાં પ્રોફિટ બુકિંગે અને સિપ્લા, અલ્ટ્રાટેક સિમેન્ટ, સન ફાર્મા, ગ્રાસીમ, અદાણી પોર્ટસ, ઈન્ફોસીસ, ટેક મહિન્દ્રા, વેદાન્તા, ટાટા સ્ટીલ, ટીસીએસ સહિતમાં નરમાઈએ ઘટીને નીચામાં ૧૨,૦૧૦.૬૦ સુધી આવી અંતે ૯૩.૭૦ પોઈન્ટ ઘટીને ૧૨,૦૩૫.૮૦ બંધ રહ્યો હતો.

જાન્યુઆરીનો ધોવાણે અંત : ફંડોની ઓવરબોટ પોઝિશન હળવી થઈ : બેંક નિફટી ફયુચર ૩૦,૯૦૫ થી ઘટીને ૩૦,૬૪૬ સેટલ

ડેરિવેટીવ્ઝમાં જાન્યુઆરી વલણનો આજે અંત ધોવાણે થયો હતો. ફંડો, ખેલંદાઓએ નિફટી બેઝડ તેજીની પોઝિશન હળવી કરી હતી. બેંક નિફટી જાન્યુઆરી ફયુચર ૧,૪૭,૮૯૪ કોન્ટ્રેકટસમાં રૂ.૯૦૬૨.૪૦ કરોડના કામકાજે ૩૦,૯૦૫.૫૫ સામે ૩૧,૨૮૦ મથાળે ખુલીને નીચામાં ૩૦,૫૧૩.૪૫ સુધી આવી અંતે ૩૦,૬૪૬.૦૫ સેટલ થયો હતો. બેંક નિફટી ફેબુ્રઆરી ફયુચર ૭૯,૪૪૩ કોન્ટ્રેકટસમાં રૂ.૪૮૮૩.૬૯ કરોડના કામકાજે ૩૦,૯૭૮.૬૫ સામે ૩૦,૯૪૭ મથાળે ખુલીને નીચામાં ૩૦,૬૨૨.૦૫ સુધી આવી અંતે ૩૦,૭૩૦ રહ્યો હતો. નિફટી જાન્યુઆરી ફયુચર ૧,૪૫,૨૯૭ કોન્ટ્રેકટસમાં રૂ.૧૩,૧૫૬.૯૮ કરોડના કામકાજે ૧૨,૧૫૬.૮૫ સામે ૧૨,૧૩૯.૫૫ મથાળે ખુલીને ઉપરમાં ૧૨,૧૪૫.૯૫ થઈ ઘટીને ૧૨,૦૩૫ સુધી આવી અંતે ૧૨,૦૪૫.૯૫ સેટલ થયો હતો. નિફટી ફેબુ્રઆરી ફયુચર ૧,૩૧,૯૮૨ કોન્ટ્રેકટસમાં રૂ.૧૧,૯૨૨.૧૬ કરોડના કામકાજે ૧૨,૧૨૧.૫૫ સામે ૧૨,૧૧૫.૬૦ મથાળે ખુલીને ઉપરમાં ૧૨,૧૧૭.૯૦ થઈ ઘટીને ૧૨,૦૦૬.૩૦ સુધી આવી અંતે ૧૨,૩૦૬.૮૦ રહ્યો હતો.

ગોદરેજ કન્ઝયુમરરિઝલ્ટ પાછળ રૂ.૫૮ તૂટીને રૂ.૬૮૪ : એપેક્સ, કોલગેટ પામોલીવ, ઈમામી, એટીએફએલ, નેસ્લે ઘટયા

એફએમસીજી-સુગર શેરોમાં આજે ફરી વ્યાપક પ્રોફિટ બુકિંગ થયું હતું. ગોદરેજ કન્ઝયુમર દ્વારા ત્રિમાસિક પરિણામ પાછળ ફંડોની વેચવાલીએ રૂ.૫૭.૭૦ ઘટીને રૂ.૬૮૪.૪૦, એપેક્સ રૂ.૨૮.૧૦ ઘટીને રૂ.૩૩૬.૦૫, કોલગેટ પામોલીવ રૂ.૮૯.૭૫ ઘટીને રૂ.૧૩૯૫.૭૫, ઈમામી રૂ.૧૮.૫૫ ઘટીને રૂ.૩૦૦.૪૦, ગોડફ્રે ફિલિપ રૂ.૬૬.૦૫ ઘટીને રૂ.૧૧૮૧.૨૫, કોસ્ટકોર્પ રૂ.૧૪.૧૫ ઘટીને રૂ.૨૬૮.૮૫, ઉત્તમ સુગર રૂ.૩.૭૫ ઘટીને રૂ.૧૧૧.૯૦, અવધ સુગર રૂ.૯.૭૦ ઘટીને રૂ.૨૯૬.૫૦, ટાટા કોફી રૂ.૩.૨૫ ઘટીને રૂ.૧૦૦.૦૫, એટીએફએલ રૂ.૨૨.૧૦ ઘટીને રૂ.૬૯૧.૭૫, એડવાન્સ એન્ઝાઈમ રૂ.૫.૩૫ ઘટીને રૂ.૧૬૭.૯૫, વોટરબેઝ રૂ.૩.૯૦ ઘટીને રૂ.૧૩૭, ડાબર રૂ.૧૩.૫૦ ઘટીને રૂ.૪૭૮.૧૫, દાલમિયા સુગર રૂ.૩.૩૦ ઘટીને રૂ.૧૧૮.૮૦, વાડીલાલ ઈન્ડસ્ટ્રીઝ રૂ.૨૨.૬૫ ઘટીને રૂ.૮૩૪.૪૫, મેરિકો રૂ.૮.૧૫ ઘટીને રૂ.૩૩૬.૩૦, બલરામપુર ચીની રૂ.૩.૭૦ ઘટીને રૂ.૧૭૦.૫૫, ટેસ્ટી બાઈટ રૂ.૨૧૨.૫૦ ઘટીને રૂ.૮૨૨૫, નેસ્લે ઈન્ડિયા રૂ.૨૫૮.૫૫ ઘટીને રૂ.૧૫,૬૧૧.૨૫, આઈટીસી રૂ.૩ ઘટીને રૂ.૨૩૩.૮૫ રહ્યા હતા.

નબળા પરિણામે આઈડીએફસી ફર્સ્ટ બેંક તૂટયો : આઈડીએફસી રૂ.૩ ઘટીને રૂ.૩૪ : યશ બેંક,  ડીએચએફએલ, એડલવેઈઝ ઘટયા

ફાઈનાન્સ-બેંકિંગ શેરોમાં આજે ફંડોની સતત વ્યાપક વેચવાલી રહી હતી. આઈડીએફસી ફર્સ્ટ બેંક દ્વારા ત્રિમાસિક પરિણામ નબળા રજૂ કરી ટેલીકોમ લોન ડૂબત પેટે જોગવાઈ કરતાં શેરમાં વેચવાલી નીકળતાં રૂ.૩.૨૫ તૂટીને રૂ.૪૦.૭૫, આઈડીએફસી લિમિટેડ રૂ.૨.૮૫ ઘટીને રૂ.૩૪.૦૫ રહ્યા હતા. જ્યારે એમસીએક્સ રૂ.૧૦૨.૮૫ તૂટીને રૂ.૧૨૭૪.૮૦, યશ બેંક રૂ.૨.૧૫ ઘટીને રૂ.૩૯.૦૫, ડીએચએફએલના પ્રમોટર કપિલ વાધવાની ખોટો લોન એકાઉન્ટો ખોલીને રૂ.૧૨,૦૦૦ કરોડથી વધુ કૌભાંડ કર્યા મામલે ધરપકડના અહેવાલે શેર ૭૦ પૈસા ઘટીને રૂ.૧૩.૬૦, એડલવેઈઝ રૂ.૪ ઘટીને રૂ.૯૪, એલઆઈસી હાઉસીંગ ફાઈનાન્સ રૂ.૧૮.૬૦ ઘટીને રૂ.૪૪૦.૧૫, હુડકો રૂ.૧.૩૦ ઘટીને રૂ.૪૨.૧૦, બંધન બેંક રૂ.૧૩.૩૦ ઘટીને રૂ.૪૩૭.૮૦, બજાજ ફિનસર્વ રૂ.૨૬૯.૪૦ ઘટીને રૂ.૯૬૩૨.૮૫, એલ એન્ડ ટી ફાઈનાન્સ રૂ.૨.૯૦ ઘટીને રૂ.૧૧૭.૦૫, ઈન્ડિયાબુલ્સ હાઉસીંગ ફાઈનાન્સ રૂ.૭.૨૫ ઘટીને રૂ.૩૦૭.૯૦, મોતીલાલ ઓસ્વાલ રૂ.૧૬.૪૫ ઘટીને રૂ..૭૯૩.૭૫, ઈન્ડસઈન્ડ બેંક રૂ.૨૬.૮૫ ઘટીને રૂ.૧૨૩૧.૪૦, આરબીએલ બેંક રૂ.૧૩.૩૦ ઘટીને રૂ.૩૨૨, ફેડરલ બેંક રૂ.૧.૮૫ ઘટીને રૂ.૯૩, સ્ટેટ બેંક ઓફ ઈન્ડિયા રૂ.૫.૭૦ ઘટીને રૂ.૩૧૦.૭૦, કોટક બેંક રૂ.૧૩.૦૫ ઘટીને રૂ.૧૬૨૮.૧૦, એચડીએફસી બેંક રૂ.૮.૮૫ ઘટીને રૂ.૧૨૨૭.૧૦ રહ્યા હતા.

ક્રુડ બ્રેન્ટ તૂટીને ફરી ૫૮ ડોલર નજીક : રિલાયન્સ રૂ.૩૭ ઘટીને રૂ.૧૪૪૨ : કેસ્ટ્રોલ, એચપીસીએલ, ગેઈલ, બીપીસીએલ ઘટયા

ક્રુડ ઓઈલના આંતરરાષ્ટ્રીય ભાવ પણ અમેરિકામાં ઈન્વેન્ટરીમાંજંગી વધારો નોંધાતાં ફરી ઝડપી ઘટી આવીને આજે સાંજે બ્રેન્ટ ક્રુડ બેરલ દીઠ ૧.૨૩ ડોલર તૂટીને ૫૮.૫૮ ડોલર અને નાયમેક્ષ ક્રુડ ૯૯ સેન્ટ ઘટીને ૫૨.૩૪ ડોલર નજીક આવી જતાં અને રૂપિયા સામે અમેરિકી ડોલર આજે ૨૩ પૈસા વધીને રૂ.૭૧.૪૮ આવી જતાં ઓઈલ-ગેસ શેરોમાં પણ ઓફલોડિંગ થયું હતું. રિલાયન્સ ઈન્ડસ્ટ્રીઝ રૂ.૩૭.૨૦ ઘટીને રૂ.૧૪૪૨.૫૦, કેસ્ટ્રોલ ઈન્ડિયા રૂ.૫.૬૫ ઘટીને રૂ.૧૨૯.૭૫, જીએસપીએલ રૂ.૭.૪૫ ઘટીને રૂ.૨૫૪.૫૫, ગેઈલ ઈન્ડિયા રૂ.૨.૯૫ ઘટીને રૂ.૧૨૩.૩૦, એચપીસીએલ રૂ.૫.૬૫ ઘટીને રૂ.૨૩૯.૯૦, બીપીસીએલ રૂ.૧૦.૦૫ ઘટીને રૂ.૪૬૯.૪૦ રહ્યા હતા.

ઓટો શેરો બજાજ ઓટો સારા પરિણામે વધ્યો : બોશ રૂ.૫૫૭ ઘટીને રૂ.૧૪૧૭૫ : કયુમિન્સ, મધરસન, એમઆરએફ ઘટયા

ઓટોમોબાઈલ શેરોમાં આજે ફંડોનું ઓફલોડિંગ થયું હતું. બોશ રૂ.૫૫૬.૭૦ ઘટીને રૂ.૧૪,૧૭૫.૪૦, કયુમિન્સ ઈન્ડિયા રૂ.૧૪.૭૦ ઘટીને રૂ.૫૮૫.૭૫, મધરસન સુમી રૂ.૨.૯૫ ઘટીને રૂ.૧૩૮.૫૫, અશોક લેલેન્ડ રૂ.૧.૬૦ ઘટીને રૂ.૮૩.૦૫, મહિન્દ્રા એન્ડ મહિન્દ્રા રૂ.૧૦.૬૫ ઘટીને રૂ.૫૬૬.૮૦, અપોલો ટાયર રૂ.૨.૯૦ ઘટીને રૂ.૧૭૧.૨૫, એકસાઈડ રૂ.૩.૧૦ ઘટીને રૂ.૧૯૯.૫૦, અમરરાજા બેટરીઝ રૂ.૧૧.૯૫ ઘટીને રૂ.૭૮૩.૮૦, ટાટા મોટર્સ પરિણામ પૂર્વે રૂ.૧.૮૫ ઘટીને રૂ.૧૮૬.૨૦, એમઆરએફ રૂ.૬૬૭.૪૫ ઘટીને રૂ.૬૯,૬૦૯ રહ્યા હતા. બજાજ ઓટો દ્વારા આજે અપેક્ષાથી સારા પરિણામે જાહેર કરી ચોખ્ખો નફો ૧૫ ટકા વૃદ્વિએ રૂ.૧૨૬૨ કરોડ જાહેર કરતાં શેર રૂ.૪૫.૯૦ વધીને રૂ.૩૧૩૭.૨૫, આઈશર મોટર્સ રૂ.૧૪૫.૬૫ વધીને રૂ.૨૦,૩૩૫.૨૫, મારૂતી સુઝુકી રૂ.૭.૧૦ વધીને રૂ.૭૦૧૯ રહ્યા હતા.

ફાર્મા શેરોમાં સ્ટ્રાઈડ ફાર્મા, ઈપ્કા, સિક્વેન્ટ વધ્યા : પિરામલ,, શેલબી, ઓરોબિન્દો ફાર્મા, ગ્લેનમાર્ક, ગ્રેન્યુઅલ્સ ઘટયા

ફાર્મા-હેલ્થકેર શેરોમાં પણ આજે પસંદગીની તેજી સામે ઘણા શેરોમાં પ્રોફિટ બુકિંગ થયું હતું. સ્ટ્રાઈડ ફાર્મા સાયન્સ રૂ.૨૧.૭૦ વધીને રૂ.૪૬૮.૬૦, સિક્વેન્ટ સાયન્સ રૂ.૩.૪૦ વધીને રૂ.૮૭.૧૦, ઈપ્કા લેબ રૂ.૪૫.૭૫ વધીને રૂ.૧૨૭૬.૨૦,  વોખાર્ટ રૂ.૫.૧૦ વધીને રૂ.૩૫૪.૫૫, નોવાર્ટિસ રૂ.૫.૨૦ વધીને રૂ.૬૭૭.૫૦, એપીએલ રૂ.૪.૭૦ વધીને રૂ.૬૩૯, સન ફાર્મા એડવાન્સ રૂ.૨.૪૫ વધીને રૂ.૨૦૩.૫૦ રહ્યા હતા. જ્યારે પિરામલ એન્ટરપ્રાઈસીઝ રૂ.૧૨૩.૭૦ ઘટીને રૂ.૧૫૭૮.૬૦, શેલબી રૂ.૭ ઘટીને રૂ.૧૦૯, ઓરોબિન્દો ફાર્મા રૂ.૨૭ ઘટીને રૂ.૪૮૦.૩૦, ગ્રેન્યુઅલ્સ રૂ.૭.૧૦ ઘટીને રૂ.૧૪૬.૧૦, ગ્લેનમાર્ક રૂ.૧૫.૪૦ ઘટીને રૂ.૩૨૦.૦૫, અજન્તા ફાર્મા રૂ.૪૧.૫૦ ઘટીને રૂ.૧૧૦૮.૩૦, ન્યુલેન્ડ લેબ રૂ.૧૩.૯૦ ઘટીને રૂ.૪૪૯.૦૫, ફાઈઝર રૂ.૧૨૩.૧૦ ઘટીને રૂ.૪૨૧૧, સિપ્લા રૂ.૧૦.૭૦ ઘટીને રૂ.૪૫૦.૬૫, અબોટ ઈન્ડિયા રૂ.૧૪૧.૧૦ ઘટીને રૂ.૧૨,૫૦૭, બાયોકોન રૂ.૨.૩૫ ઘટીને રૂ.૨૯૫.૩૦, લુપીન રૂ.૧૫.૮૫ ઘટીને રૂ.૭૨૮.૮૦, સન ફાર્મા રૂ.૮.૦૫ ઘટીને રૂ.૪૪૨ રહ્યા હતા.

સાવચેતીમાં સ્મોલ, મિડ કેપ શેરોમાં ફરી વ્યાપક ગાબડાં : ૧૫૭૦ શેરો  નેગેટીવ બંધ : ૧૯૮ શેરોમાં મંદીની સર્કિટ

સેન્સેક્સ-નિફટીમાં ધોવાણ  સાથે આજે સ્મોલ, મિડ કેપ, રોકડાના શેરોમાં ફંડો, ખેલંદાઓની વ્યાપક વેચવાલી થતાં માર્કેટબ્રેડથ  નેગેટીવ રહી હતી. બીએસઈમાં કુલ ટ્રેડીંગ થયેલી ૨૫૯૭  સ્ક્રિપોમાંથી વધનારની સંખ્યા ૭૭૨ અને ઘટનારની સંખ્યા ૧૬૬૨ રહી હતી. ૧૪૭ શેરોમાં ઓનલી બાયરની તેજીની ઉપલી સર્કિટ સામે ૧૯૮ શેરોમાં ઓનલી સેલરની મંદીની નીચલી સર્કિટ રહી હતી.

FPIs/FIIનીરૂ.૯૬૨ કરોડની કેશમાં ચોખ્ખી વેચવાલી : DIIની કેશમાં રૂ.૨૯૨ કરોડની ચોખ્ખી ખરીદી

એફઆઈઆઈ-વિદેશી સંસ્થાકીય રોકાણકારો, ફોરેન પોર્ટફોલિયો ઈન્વેસ્ટરો-એફપીઆઈની આજે-ગુરૂવારે કેશમાં રૂ.૯૬૨.૨૮ કરોડની ચોખ્ખી વેચવાલી થઈ હતી. કુલ રૂ.૪૬૭૪.૨૪ કરોડની ખરીદી સામે કુલ રૂ.૫૬૩૬.૫૨ કરોડની વેચવાલી થઈ હતી. જ્યારે ડીઆઈઆઈ-સ્થાનિક સંસ્થાકીય રોકાણકારોની આજે કેશમાં રૂ.૨૯૨.૩૫ કરોડની ચોખ્ખી ખરીદી થઈ હતી. કુલ રૂ.૩૭૪૮.૩૯ કરોડની ખરીદી સામે કુલ રૂ.૩૪૫૬.૦૪ કરોડની વેચવાલી થઈ હતી.

સેન્સેક્સ 285 પોઈન્ટ ગબડીને 40914 was originally published on News4gujarati

9 લાખ કરોડની અમેરિકી કંપની IBMના બોસ બન્યા ભારતીય કૂળના અરવિંદ કૃષ્ણા


મૂળ ભારતીય કૂળના અરવિંદ કૃષ્ણા 9,00,000 કરોડની અમેરિકી કંપની IBMના બોસ બન્યા હતા. IBMના હાલના સીઇઓ વર્જિનિયા રોમેટી કનેથી અરવિંદ કૃષ્ણા જવાબદારી સ્વીકારી લેશે.

શ્રી અરવિંદ કૃષ્ણા આ વર્ષના એપ્રિલની છઠ્ઠીથી IBMના સીઇઓની જવાબદારી સંભાળી લેશે. તેઓ હાલ 57 વર્ષના છે.

હાલ શ્રી કૃષ્ણા IBM મા ક્લાઉડ એન્ડ કોગ્નિટિવ સોફ્ટવેરના સિનિયર વાઇસ પ્રેસિડેન્ટ તરીકે કામ કરી રહ્યા છે. એમની હાલની જવાબદારીમાં IBM ક્લાઉડ, IBM સિક્યોરિટી અને  કોગ્નિટિવ એપ્લીકેશન બિઝનેસ ઉપરાંત IBM રિસર્ચનો સમાવેશ થાય છે. અગાઉ તેમણે IBM સિસ્ટમ એન્ડ ટેક્નોલોજી ગ્રુપના ડેવલપમેન્ટ એન્ડ મેન્યુફેક્ચરિંગ ઓર્ગેનાઝેશનના જનરલ મેનેજર તરીકેની જવાબદારી પણ સફળતાપૂર્વક અદા કરી હતી. IBMના ડેટા સંબંધિત કેટલાક બિઝનેસની જવાબદારી પણ તેમણે સંભાળી હતી.

અરવિંદ કૃષ્ણા 1990માં IBM સાથે જોડાયા હતા. હાલના સીઇઓ વર્જિનિયા રોમેટીએ કહ્યું કે મારા અનુગામી તરીકે અરવિંદ કૃષ્ણા બેસ્ટ વ્યક્તિ છે. અરવિંદ બેસ્ટ ટેક્નોલોજિસ્ટ પણ છે જેમણે આર્ટિફિશ્યલ ઇન્ટેલિજન્સ, ક્લાઉડ, ક્વોન્ટમ કોમ્પ્યુટીંગ અને  બ્લોકચેન જેવી આપણી કેટલીક બેસ્ટ ટેક્નિકનો વિકાસ સાધ્યો હતો.

9 લાખ કરોડની અમેરિકી કંપની IBMના બોસ બન્યા ભારતીય કૂળના અરવિંદ કૃષ્ણા was originally published on News4gujarati

અમદાવાદ મ્યુનિ. બોર્ડમાં CAA ના મુદ્દે ભાજપ- કોંગ્રેસ વચ્ચે મચેલો હંગામો


– ભાજપના નેતાએ કહ્યું વડાપ્રધાન- ગૃહમંત્રીને ગોળી મારવાના ઉચ્ચારણો થાય છે ત્યાં આપણા ગૃહના સભ્ય ખેડાવાળા જઈને ભાષણો કરે છે

અમદાવાદ મ્યુનિ. બોર્ડની આજે મળેલી સામાન્ય સભામાં સીએએના મુદ્દે ભાજપ- કોંગ્રેસ વચ્ચે ભારે હંગામો મચી જતા બોર્ડના અધ્યક્ષ મેયર બિજલ પટેલે એજન્ડા પરના કામો હાથ પર લઈ ઝડપથી બેઠકને આટોપી લીધી હતી. ભાજપના કોર્પોરેટરો આક્રમક રીતે કોંગ્રેસની બેઠક વ્યવસ્થા તરફ ધસી ગયા હતા અને ‘વી સપોર્ટ સીએએ’ના નારા લગાવ્યા હતા. એક તબક્કે તો ઘક્કામુક્કી થઈ હતી અને સામસામે ફાઇલો ઉછળી હતી.

આ અંગેની વિગત એવી છે કે એક તરફ દાણીલીમડાના તોફાનોમાં પકડાયેલા કોર્પોરેટર શહેજાદખાન પઠાણ પોલીસ પહેરા હેઠળ બોર્ડમાં હાજરી આપવા માટે આવ્યા હતા. જ્યારે બીજી તરફ બોર્ડના પ્રારંભે મેયરે ભાજપના નેતા અમિત શાહને બોલવાનું કહેતા તેમણે આક્રમક શરૂઆત કરતા કહ્યું હતું કે, દિલ્હીના શાહીનબાગમાં જ્યાં દેશ વિરોધી નારા લાગે છે, વડાપ્રધાનને અને ગૃહપ્રધાનને ગોળી મારવાની વાતો કરાઈ છે, હિન્દુ વિરોધી ઉચ્ચારણો થાય છે ત્યારે મારે દુઃખ સાથે કહેવું પડે છે કે આપણા ગૃહના સભ્ય ઇમરાન ખેડાવાળાને ત્યાં જઈને ભાષણો કરે છે. આ તબક્કે ભાજપના કોર્પોરેટરો સેમ… સેમ…ના પોકારો કરી ‘વી સપોર્ટ સીએએ’ લખેલા પ્લેકાર્ડ કાઢી દેખાવો શરૂ કરી દીધા હતાં.

બીજી તરફ ઇમરાન ખેડાવાળા માઇક પર ખુલાસો કરવાનો પ્રયત્ન કરતા હતા ત્યારે ગૃહમાં ભારે હો…હા શરૂ થઈ હતી. એક તબક્કે તો કોણ શું બોલે છે, તે જ સાંભળી શકાતું ના હતું. ખેડાવાળા મેયર મને પ્રોટેક્શન આપો મારે મારી વાત મૂકવી છે, તેમ કહેતાં હતાં. આવી બાબત સાબિત થાય તો હું ધારાસભ્ય અને કોર્પોરેટર પદેથી રાજીનામું આપવા તૈયાર છું, તેટલું અવાજો વચ્ચે બોલ્યા હતા પણ પછી તો ફાઇલો ઉડવાની અને ધક્કામુક્કી કરવાનું ચાલુ થઈ ગયું હતું.

કોંગ્રેસના એક મહિલા કોર્પોરેટર કાગળ પર નો સીએએ લખીને પ્રદર્શન કરવા આગળ આવ્યા હતા. મેયરે શાંતિ જાળવવા ત્રણેક વખત આપીલ કર્યા બાદ એજન્ડા કામો મંજૂર કરીને બોર્ડ આટોપી લીધું હતું. બોર્ડની કાર્યવાહીની વ્યૂહરચનામાં ભાજપનો હાથ ઉપર રહ્યો હતો.

જ્યારે શું કરવું તેની સૂઝ ના પડતી હોય તેવા કોંગ્રેસના નેતાઓ ફરી એક વખત સ્ટ્રેટેજીની બાબતમાં ઉંઘતા ઝડપાયા હતા. બાદમાં મેયર કાર્યાલયમાં કોંગ્રેસ રજૂઆત કરવા આવશે તેમ જણાતું હોવાથી ત્યાં સજ્જડ બંદોબસ્ત ગોઠવાયો હતો પણ આ અંગે કોંગ્રેસ નિર્ણય કરી શકી ન હતી. ભાજપના કોર્પોરેટરોએ કોંગ્રેસના કાર્યાલય તરફ ધસી જઈને ઉગ્ર સૂત્રોચ્ચારો કર્યા હતા.

શહેજાદખાનને પોલીસ હાથ પકડીને બોર્ડમાં લાવી
દાણીલીમડામાં બંધના દિવસે પોલીસ પર થયેલા પત્થરમારામાં પકડાયેલા કોર્પોરેટર શહેઝાદખાન પઠાણ અગાઉ બે બોર્ડમાં ગેરહાજર હતા. ત્રીજા બોર્ડમાં ગેરહાજર રહે તો એમને બોર્ડ ગેરલાયક ઠેરવી શકે તેવી સ્થિતિ પેદા થઈ હતી. આ સંજોગોમાં કોર્ટે પાંચ કલાકના જામીન આપ્યા હતા. પોલીસ અધિકારીઓ તેમનો હાથ પકડીને બોર્ડમાં આવ્યા હતા.

મેયરે પોલીસને સભાગૃહની બહાર રહેવાની સૂચના આપતા કહ્યું કે, ‘અમારા સભ્યની જવાબદારી અમારી છે.’ સાથે તેમનાવકીલ પણ હાજર હતા. આ રીતે મ્યુનિ. બોર્ડની સામાન્ય સભામાં પોલીસ સાથે હાજર રહેનાર આ ત્રીજા કોર્પોરેટર છે. અગાઉ લતીફ અને પછી હસનખાન પઠાણ બોર્ડમાં હાજરી આપવા પોલીસ સાથે આવતા હતાં.

અમદાવાદ મ્યુનિ. બોર્ડમાં CAA ના મુદ્દે ભાજપ- કોંગ્રેસ વચ્ચે મચેલો હંગામો was originally published on News4gujarati

ભારતની સોનાની માંગમાં થયેલો ધરખમ ઘટાડો


– સંપૂર્ણ વર્ષ ૨૦૧૯માં સોનાની માંગ એક ટકા ઘટીને ૪૩૫૫ ટન : ભારતની સોનાની માંગ વર્ષ ૨૦૧૯માં ૯ ટકા ઘટીને ૬૯૦ ટન

– વર્ષ ૨૦૨૦માં માંગ વધીને ૭૦૦ થી ૮૦૦ ટન રહેવાનો અંદાજ

વિશ્વના બે  સૌથી મોટા સોનાના  વપરાશકારો-ગ્રાહક દેશો ભારત અને ચાઈનાનો કેલન્ડર વર્ષ ૨૦૧૯ના ચોથા ત્રિમાસિકમાં સોનાની વૈશ્વિક માંગમાં ઘટાડામાં ૮૦ ટકા જેટલો હિસ્સો રહ્યો છે. સોનાના ભાવમાં વધારો અને આર્થિક મંદીની પરિસ્થિતિના કારણે માંગમાં મોટો ઘટાડો થયો હોવાનું વર્લ્ડ ગોલ્ડ કાઉન્સિલના તાજેતરના રીપોર્ટમાં જણાવાયું છે.

વર્લ્ડ ગોલ્ડ કાઉન્સિલના રીપોર્ટ મુજબ ચોથા ત્રિમાસિકમાં ચાઈનાની જવેલરીની માંગ પાછલા વર્ષની તુલનાએ ૧૦ ટકા ઓછી ૧૫૯.૭ ટનની રહી છે. જ્યારે સંપૂર્ણ વર્ષ ૨૦૧૯માં  માંગ ૭ ટકા ઘટીને ૬૩૭.૩ ટનની રહી છે. આ માટે પ્રમુખ પરિબળો આર્થિક મંદ વૃદ્વિ, વધતો ફુગાવો, વૈશ્વિક વેપાર વિવાદો, ઊંચા સોનાના ભાવો અને યુવા પેઢીનો લાઈટ જવેલરી તરફ વધેલો ઝુંકાવ પ્રમુખ રહ્યા છે. કાઉન્સિલના આંકડા મુજબ ચોથા ત્રિમાસિક માટે સોનાની કુલ માંગ ૧૯ ટકા ઘટીને ૧૦૪૫.૨ ટન રહી છે.

કેલેન્ડર વર્ષ ૨૦૧૯માં સોનાની વૈશ્વિક માંગ એક ટકા ઘટીને ૪૩૫૫.૭ ટન રહી છે. જે વર્ષ ૨૦૧૮માં ૪૪૦૧ ટન રહી હતી. ભારતમાં સોનાના રેકોર્ડ ઊંચા ભાવોના કારણે તેમ જ આર્થિક મંદીના પરિણામે રીટેલ માંગ ઘટતાં કેલેન્ડર વર્ષ ૨૦૧૯માં સોનાની માંગ ૯ ટકા ઘટીને ૬૯૦.૪ ટનની રહી હોવાનું વર્લ્ડ ગોલ્ડ કાઉન્સિલ(ડબલ્યુજીસી)ના આંકડામાં દર્શાવાયું છે. અલબત વર્ષ ૨૦૨૦માં ભારતમાં સોનાના ઊંચા ભાવની સ્વિકૃતી અને સંભવિત આર્થિક સુધારાથી ગ્રાહક વિશ્વાસ વધવાની શકયતાએ સોનાની માંગ ૭૦૦ થી ૮૦૦ ટન રહેવાનો કાઉન્સિલનો અંદાજ છે. 

ડબલ્યુજીસીએ જણાવ્યું હતું કે, વર્ષ ૨૦૧૯માં ભારતની સોનાની માંગ વોલ્યુમમાં વર્ષ ૨૦૧૮ના ૭૬૦.૪ ટનની તુલનાએ ઘટીને ૬૯૦.૪ ટનની  રહી છે. જેમાંથી જવેલરીની માંગ ૫૯૮ ટનથી ઘટીને ૫૪૪.૬ ટન રહી છે, જ્યારે લગડી અને સિક્કાની માંગ ૧૬૨.૪ ટનથી ૧૦ ટકા ઘટીને ૧૪૫.૮ ટન રહી છે.  ધનતેરસ જે દિવાળીનો પ્રથમ દિવસ હોય છે અને ૨૫,ઓકટોબર ૨૦૧૯ના હતો એ પણ વર્ષ ૨૦૧૯ના ચોથા ત્રિમાસિકમાં સોનાની માંગને વેગ આપવામાં નિષ્ફળ રહ્યો હતો. 

આ આયાત વર્ષ ૨૦૧૮ના ૭૫૫.૭ ટનથી ૧૪ ટકા ઘટીને ૬૪૬.૮ ટન થઈ છે. ગ્રે માર્કેટ થકી આયાત વર્ષ ૨૦૧૯માં ૧૧૫ થી ૧૨૦ ટન રહી છે. આયાતો સ્થાનિક મંદ માંગને કારણે અને રીસાઈકલિંગ સોનામાં ૩૭ ટકામાં વૃદ્વિ થકી ૧૧૯ ટન રહેતાં સોનાની આયાત પણ નીચી રહી છે.

ચાલુ વર્ષમાં જે ઝડપે સોનાની માંગમાં વધારો થશે, એ ઝડપે આયાતમાં વધારો નહીં થવાનું તેમનું માનવું છે. પરંતુ સોના પરની કસ્ટમ ડયુટી વર્તમાન ૧૨.૫ ટકાથી ઘટીને ૧૦ ટકા થવાની અપેક્ષા છે. 

સોના આધારીત એક્સચેન્જ ટ્રેડેડ ફંડ(ઈટીએફ)નો ઈન્ફલોમાં સાધારણ ટ્રેન્ડ જોવા મળ્યો છે. જેમાં વર્ષના પ્રથમ નવ મહિનામાં પ્રોડક્ટના હોલ્ડિંગમાં રોકાણ વધ્યું હતું. ત્રીજા ત્રિમાસિકમાં એ વધારો ૨૫૫.૫ ટન પહોંચ્યો હતો. ત્યારબાદ ઈન્ફલો ઘટીને ૨૬.૪ ટન રહી ચોથા ત્રિમાસિકમાં પણ ઘટાડો નોંધાયો હતો.

ભારતની સોનાની માંગમાં થયેલો ધરખમ ઘટાડો was originally published on News4gujarati

યુરોપિયન યુનિયનની આ મહિલા સાંસદે ભારતની તરફેણમાં કરી જોરદાર દલીલો


બ્રસેલ્સ, તા.30 જાન્યુઆરી 2020, ગુરૂવાર

CAA પર યુરોપિયન યુનિયનની સંસદમાં વોટિંગ કરાવવાની પાકિસ્તાનની મેલી મુરાદ પર પાણી ફરી વળ્યુ છે.

આંતરરાષ્ટ્રિય સ્તરે ભારતને ફરી એક વખત પાકિસ્તાનને પછાડવામાં સફળતા મળી છે. જોકે ભારતના આ વિજયમાં યુરોપિયન યુનિયનની મહિલા સાંસદ હેલેના ડેલ્લીનો બહુ મોટો ફાળો રહ્યો હતો. હેલેનાએ ભારતના પક્ષમાં કરેલી જોરદાર દલીલો સામે પાકિસ્તાની મૂળના સાસંદ શફક મહોમ્મદ અને બ્રિટનના જોન હોવાર્થ અનુત્તર થઈ ગયા હતા.

હેલેનાની દલીલો બાદ સંસદે વોટિંગ કરવાના પ્રસ્તાવને સ્થગિત કરી દીધો હતો. હેલેના યુરોપિયન યુનિયનની ઉપાધ્યક્ષ પણ છે. તેમણે કહ્યુ હતુ કે, ભારતના પીએમ મોદી ભારત યુરોપિયન સંઘના શિખર સંમેલન માટે માર્ચમાં બ્રસેલ્સ આવવાના છે. મારૂ માનવાનુ છે કે, ભારતમાં કાયદાનુ પાલન થાય છે કે નહી તે જોવાનુ કામ ત્યાંની સુપ્રિમ કોર્ટનુ છે. તે ભારતમાં તનાવ ઓછો કરવા માટે કામ કરે છે. ભારત યુરોપિયન યુનિયનનુ એક સન્માનિત ભાગીદાર અને લોકશાહીનુ પાલન કરનાર દેશ છે.

હેલાના ઉપરાંત ભારતની તરફેણમાં ફ્રાન્સના સાંસદ થિયરી મારિઆની અને ભારતીય મૂળના બે સભ્ય દિનેશ ધામીજા અને નીના ગિલે પણ જોરદાર રીતે દલીલો કરી હતી. બીજા દેશોએ પણ CAAને ભારતનો આંતરિક મામલો ગણાવ્યો હતો.

યુરોપિયન યુનિયનની આ મહિલા સાંસદે ભારતની તરફેણમાં કરી જોરદાર દલીલો was originally published on News4gujarati

વુહાનમાં ફસાયેલા ભારતીયોને બચાવવા માટે ખાસ વિમાન આવતીકાલે ચીન રવાના થશે


ચીનમાં ફેલાયેલા કોરોના વાયરસને જોતા ભારત સરકાર વુહાન પ્રાંતમાં ફસાયેલા ભારતીય નાગરિકોને ત્યાંથી ભારત લાવવાની તૈયારી કરી રહી છે, તે અનુંસાર બે ખાસ વિમાનને શુક્રવારે ચીન રવાના કરવામાં આવશે.

વુહાન  પ્રાંત કોરોના વાયરસથી સૌથી વધું પ્રભાવિત વિસ્તાર છે, આ વાયરસથી અત્યાર સુંધીમાં 170 લોકોનું  મોત થયું છે, અને 7711 લોકોને તેનો ચેપ લાગ્યો છે. આ વાયરસથી અત્યાર સુંધી દુનિયાનાં 17 દેશોમાં ફેલાઇ ચુક્યો છે.

વિદેશ મંત્રાલયનાં પ્રવક્તા એસ .જયશંકરે ગુરૂવારે જાણકારી આપતા કહ્યું કે ચીનનાં હુબેઇ પ્રાંતથી 600 ભારતીયો સાથે અમારો સંપર્ક થયો છે, તે લોકો સ્વદેશ આવવા માંગે છે, અને બિજીંગમાં અમારૂ દુતાવાસ 24 કલાક તેમને પરત લાવવાનાં પ્રયાસો કરી રહ્યું છે.

દુતાવાસે કહ્યું કે પહેલી ઉડાન તે ભારતીય નાગરિકોને લાવશે જે વુહાન અને તેની આસપાસમાં રહે છે, તેમણે પણ પરત ફરવાની ઇચ્છા વ્યક્ત  કરી છે, ત્યારબાદ વધુ એક ઉડાન રવાના થશે, જે તે હુબેઇ પ્રાંતનાં અન્ય વિસ્તારોમાં રહેતા લોકોને લાવશે.

ચીનનાં નેશનલ હેલ્થ કમિશને ગુરૂવારે કહ્યું કે 31 પ્રાતીય સ્તરનાં વિસ્તારો અને ઝિજીંયાંગમાં કોરોના વાયરસનાં  કારણે નિમોનિયાનાં 7,711 કેસ નોંધાયા છે.

ભારતમાં ચીનનાં દુતાવાસનાં પ્રવક્તા જી રોંગએ કહ્યું કે ચીનનું દુતાવાસ ભારત સરકાર સાથે કોરોના વાયરસ અંગે સતત સંપર્કમાં છે, ચીનની સરકાર દ્વારા બિમારીનાં પ્રતિકાર માટે કરવામાં આવતા ઉપાયો અંગે ભારત સરકારને સતત જાણકારી આપવામાં આવી રહીં છે.

વુહાનમાં ફસાયેલા ભારતીયોને બચાવવા માટે ખાસ વિમાન આવતીકાલે ચીન રવાના થશે was originally published on News4gujarati

Previous Older Entries

Blog Stats

  • 517,407 hits
%d bloggers like this: